الرئيسية / أخبار المراة / أخبار الاسرة / الطلاق بعد الصمت الرهيب

الطلاق بعد الصمت الرهيب

كتب : د فوزي الحبال

كتبت في مقالي بالامس عن الصمت الرهيب وبعض النصائح للزوج والزوجه بصفه خاصه، وعشان نمنع الطلاق لازم نعرف نختار شريك الحياة ، إختياره بيكون علي أساس التوافق الديني و الثقافي و المادي و الفكري والبيئي .

الطلاق حالة كئيبة ومضمونها معبر على فشل التوافق ودايماً بتكون الحل الوحيد لإنهاء المشاكل الأسرية .

هو قرار ليس سهلا علي الإطلاق ، ويمثل العديد من الأزمات والمشاكل القاسية التي تمر بها أي امرأة ، خاصة في ظل مجتمعاتنا العربية المخطئة التي تعتبر المطلقة مذنبة وفاشلة في الحفاظ علي بيتها وزوجها ، مما يعرضها للكثير من الضغوط النفسية ، لكن مع كل هذا يكون الطلاق في بعض الحالات هو طوق النجاة الأخير لإنقاذ مايمكن إنقاذه .
لاتوجد مؤشرات أو علامات محددة يجب اللجوء عندها للطلاق .

مشاكل كتير جداً للزوج والزوجة ولكن التأثير بيكون سلبي وكثير على الأطفال سواء عاشوا مع أمهاتهم وأبائهم الأطفال اللي بتعيش في منازل مكسورة العلاقة أو من طرف واحد ممكن تتعاطي المخدرات ، الإكتئاب ، فشل الزواج المستقبل .

تقول سيده بعد هذه التجربه تعلمت عدم التهور واسمع اكتر ما اتكلم وأسيب ديماً الباب موارب يمكن يكون في فرصة تانية و أواجه مشاكلي بنفسي و مسمحش لحد التدخل فيها
.
اهلي كلهم تقريبا مفيش حد فيهم حاول مره واحده يقولي حافظي علي بيتك ، مفيش حد فهمني إني بخرب بيتي و بضيع مستقبلي و مستقبل أولادنا، ومفيش حد فاضيلي و لا فاضي لأولادي .

أخويا إللي ياما شتم و سب طليقي أتجوز و عايش مع مراتة وخلف ، لو يوم غضبت يعيط زي العيال علشان ترجعله .

اختي بعد ما أنا اتطلقت ، اتعلمت من تجربتي لو حصل خلاف بينها و بين جوزها تحله في بيتها .

وفلوس الطلاق والقايمة وليمة كلهم كلوا منها و شبعوا و بطونهم اتنفخت وكل الي أحتاج حاجه من أخواتي و أهلي خدوها و باقي القايمة مرميه في مخزن تحت البيت .

لو طليقك عايز يرجعك لعصمته ممكن ترجعى ؟

انا أتمنى ارجع لكن هو مش ممكن يفكر برجعنى بعد ما أهناه و لف ورايا على محاكم الأسرة و بيلعن اليوم اللى اتجوزنى فيه .

مين قال إن الطلاق حاجة سهلة و بسيطة ومين أصلًا يجروء يدي واحدة نصيحة يقولها اتطلقي ؟

مين يقدر يشيل وزر قرار انفصال اتنين كانو سكن لبعض .

اللهم احفظ بيوت المسلمين من كل سوء وان يعوض كل مطلقه ويوفقها لما يحب ويرضى ويرزقها بالزوج الصالح .

شاهد أيضاً

كيف تفرقين بين اصابة طفلك بمرض السكر واعراض التبول الاارادى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.