اشترونا ..

بقلم المستشار / فتح الله الطويل

نائب رئيس مجلس الدولة

اعدموا التجار دي نارهم والعة فينا .. اعدموا التجار وجارهم والمدينة

من جشعهم كل حاجة ولعت .. مش بتاعهم لو سألنا أو بكينا

إنما المسئول دا غيرهم حد تانى .. أما هما مظلومين وقلوب حزينة

في المخازن اللي كان زاد سعره راخر .. حط سعر جديد عليه ابن اللذينا

زي جواهرجي يسعر بالجرام .. مش حرام دم الفقير يدخل خزينة

والاكادة تلف ساعة عشان تلاقى .. اللي باقى من حاجات عزت علينا

زي سكر أو دقيق او عدس أصفر .. أو قلم او بطارية م التخينة

والشهادة كل حاجة ناقصة عنده .. خش جوة راح تلاقى تلال طحينة

والكلام إن الحكومة غايبة عنا .. والدولار زي الحمار زودها طينة

والحكومة زي بومة وعششت .. دقت الأوتاد وخوازيقها المتينة

والصيادلة في المعادلة طرف أساسي .. هما تجار بس شيك بأفعال مشينة

الأدوية للضغط أو حتي انسولين .. دى معجزة ومعجزة بس بايدينا

كل قرش دخل في كرش دا مال حرام .. مافتكرش يخش جنة أو جنينة

الفقير راح يعمل ايه فى دا الغلا .. والمشكلة : إن اللي باعنا يشترينا

عن salah

شاهد أيضاً

أية يوسف تكتب : الجنازة حاضرة والميت حى يرزق

      لا يستطيع قلمى مهما حاولت أن أطوعه أن يكتب أو يخط حروف …

اترك رد

%d مدونون معجبون بهذه: